بره الحياة /بقلم صبري رسلان

بره  الحياة        ( 206)
....................
سألتني  نفسي  كام  سؤال  ؟
ما  جاوبت  ليه 
على  وشي  بان  ليه  القلق 
دمعي  مداريه   ...   
أنا  فين  حياتي  ودنيتي 
من  اللي  أنا   فيه  ..
عايشه  بدور 
عاللي  غايب  له  سنين 
فاتني  وتاه   عني  النصيب
له  ليل   طويل       ..
هو   الأمل  فيه  شئ  غريب
ومرار   كاسيه   ... 
ولا  أنا  ما  سمعت  النصيب
ما  نداني  ليه       
دق  الببأن  ما  عدا 
بابي  ما   دق   ليه
إحترت  يمكن  ده  بطر  مني  عليه 
ولا  مره  قلت  أقدره   وأشتاق  إليه       
لبست  له  توب  بالورود 
وفرشت  له  رياحين  وعود 
أستنى  فيه  عالباب   يعود       
ولا  قال   سلااااااااااااااااام 
فات  بابنا  خبط  عالجيران 
ضحكت   قلوب  رقص  المكان 
زغروته  غايبه  من  زمان 
ما  سمعتهااااااااااااش   ..       
نظرات  عيون  بتقول  كلام 
حساها  عقبالك  كمان 
نزلت  دموع  عمري  اللي  كان 
راح  مني   فجأه 
وليلي   بان   محروم  غرام    ..
خطواتي  راجعه   ..
لا  لبست  فستان  الفرح 
ولا  وردي  فيه  عطر   وطرح
بدارا   لأجل  ما  أتجرح 
 والليل  يطوووول   ..     
ما  سنيني  عدت  من  سكات 
لا  سابت  لي  ذكرى  من  اللي   فات
ولا  حتى   فرحه  في  ليلها  أبات   
تاه    الطريق  ونسيت  حاجات 
من  ضمنها  ذكرى  ما  جات 
وبقيت  بعيش  بره  الحياة
قدامكوا عايشه  بروح  غريق 
أحاسيس  بتشكي  ضياع  طريق
محرومه يرويها  الهنا  لو  من  بعيد 
عايشه  بدور  عمر  فات   
ونسيت  ده  فات
وشطي عني  إختفى 
عالكون  ده  مات     ..
بقلم  ..  صبري رسلان