مرسول لغرام /بقلم الرامي المسناوي

 مرسول لغرام...... 

ياك اليوم العيب جا منك

 زرعت الورد فجنانك و جنيتو شوك

درتي حباب جداد ما بقيتش نهمك

و نسيتي الملح و الطعام لمشروك

أمري نسيتيه و حالي ما بقاش يهمك 

يا لي كنتي داير فيا ميمتك و بوك

شحال من كلام حلو كلتيه g بفمك

كان غير حروف في قصة محبوك

يا الناسيني فين مشات ايامك

عنداك صحاب تعمار الشوارج اليوم ينفعوك

واخا درتي العيب ما زال غالي عندي سومك

لقليب عامر بيك و آنا مريض فذاتي مهلوك

تمنيت ترجع اليوم تغلى في سومك

تجي و تعتادر تغير و تبدل السولوك

تواضع معانا و صبر و خوي راسك من لغدر

و حنا فوق الراس و لكتاف نحطوك

نحكيو ليك همومنا و حكي لينا همك

ما زال نرجعو أيام الماضي يا لعشير و نعجبوك

 يا لعزيز الغالي يا لي منقوش فقلبي إسمك 

تعيش لعشق و لغرام مع ناسك لي يبغيوك و يحبوك  ....  

 

بقلم : الرامي المسناوي 

Le 28/09/2020