واقول الاه /بقلم ماجدة البهيدي

واقول الاه
=======
وأقول الاه من قلبي
ومين فيكم هيسمعني
جريحة وقلبي مشتقله
وليلي في بعده لوعني

اخاف في البعد ينساني
وينسى حضني وحناني
وينسى عشرة لها سنين
ويروح وكانه ولا جاني

غريبه الدنيا من بعدك
وليا فيها مين غيرك
كنت في عيني كل الناس
يا سيدي روح كتر خيرك

في بعدك عايشة محرومة
كأني اتنين ومقسومة
والأحزان بتلعب بي
ومنك لي انا مظلومة

ضيعت معاك انا عمري
وكنت مسلمة امري
وفجأه بعتني ببلاش
وكأني في يوم ما حبيتك

يا كسرة قلبي من بعدك
يا ليلي وغربتي ف بعدك
يا قلبي كفاية والله حرام
تعيش من بعده على الأوهام

بكيت روحي على روحي
مهو انت دوايا وجروحي
بكل العمر حبيتك
وكنت انت سبب نوحي

يا دمعة عين يا محسورة
كفاية بص في الصورة
هيفيد بايه الدمع خلاص
ده سبنى بقلبي مكسورة

معقولة يوم راح ينساني
وينسى حبى وحناني
وحبي له كأنه مكان
ويروح ويحب من تاني

2020 /15/4

:
#ماجدة_البهيدى
:

تعليقات

المشاركات الشائعة من هذه المدونة

رماد الحناجر /بقلم رحاب كنعان

بيروت تحت الركام/ بقلم زنار عزم

اه يا انت /بقلم وائل زبلح