حزين يا حرف /بقلم محمد محمد

حزين يا حرف

والقلب قالب
ضحكتة
رافع حواجب غلب
تكشيره تأشيرة ركوب
الغرق
والعرق صابب
سيول الصعاب
والحيل مهدوووود
وحملك
كام شوال متعبي بالكراكيب
اياك يا عم تخيب
هو العناد اوقات
بيكتف المربوط
مبسوط وحالة هباب
راضي بكام شلوت
هتعدي وهلبس بوت
واسابق الاحلام
الدنيا لما تضيق
تتفتح ببان شبابيك
لبيك ياعم الأسد
صاحب تلال الصبر
القلب مها اتعطب
مسيره يوم ينبض
يضحك يرش
الزرع و يدور الساقيه
عايقه عيون الواد
الشال راسمه عجب
تقولش عمده
خايف رموشه تنحسد

الخطوه بتسابق نصيب
والصبر راضي ومنبسط
قالها والولا مش عيب
اني اقوم وانكفي
طالما قومه وكتفي
لسه عفي حمل الجبال
خيال وان مال علي الزمن
اشيل حمول كفي

بقلم محمد محمد