الغريب إنك بتسأل/ بقلم حاتم ابو عوف

الغريب إنك بتسأل.إني وين؟..
وأنت عارف بيني بينك مافي بين....

انا من مكانك خطوتين...

ومن زمانك لحظتين...

ما الضفاف بالفطره تعرف جيّة الموجات متين...

 يا الموده الجيت حنين...

انت في جواي وغايب..

 .وقلبي بي اشواقو دايب....

راجي جيتك قول متين..

يا المخضّب بالحنين...

في رجاك  لحظه بسنين....

في غيابك القي وين...

الفرحه يا سيدي الحنين...

انت شوفتك عمري سيدي...

وهي قدري...

ليه بتسأل كيف بريدك.
اسال الدّم البيجري...

وكيف عرف سكة وريدك...

واسأل ايديّا البتكتب.. .
كيف ترد للكاتبا إديك..

يا الحبيب من جوه ريدك....

والمحال غيرك نديدك...
بقلم
حاتم ابو عوف